Persónuvernd

Persónuupplýsingar eru hvers kyns upplýsingar sem rekja má beint eða óbeint til tiltekins einstaklings — t.d. nafn, kennitala, heimilisfang, netfang, símanúmer og aðrar persónugreinanlegar upplýsingar.

Fyrirtækið safnar upplýsingum um starfsmenn svo sem nafni, kennitölu, heimilisfangi, netfangi, símanúmeri, viðveru, launum og samskiptum — í þeim tilgangi að uppfylla ráðningarsamninga, lögbundnar skyldur og lögmæta hagsmuni fyrirtækisins.

Sparnaður miðlar upplýsingum til þjónustuaðila (vinnsluaðila) á grundvelli formlegra vinnslusamninga sem takmarka notkun og tryggja öryggi. Í ákveðnum tilvikum kann að vera nauðsynlegt að miðla upplýsingum til þriðja aðila samkvæmt lagaskyldu, t.d. til skattyfirvalda.

Fyrirtækið varðveitir bókhaldsgögn í sjö ár. Öðrum upplýsingum um starfsmenn er að meginstefnu til eytt tveimur árum eftir að starfsmaður hættir störfum.

Starfsmenn eiga m.a. rétt á að afturkalla samþykki, fá aðgang að upplýsingum, fá rangar upplýsingar leiðréttar, óska eftir eyðingu, takmörkun vinnslu, fá upplýsingar fluttar og leggja fram kvörtun til Persónuverndar.